真係平時好少出荃灣,發現荃灣真係好多野食...
今次試下呢間Vision 8。
一些街頭巷仔的食市真的多不勝數,今次就和朋友食西餐。
岩岩入去人流不算太多,不過好彩早左少少入去,之後發現愈來愈多人(汗。
其實都幾多選擇,不論意粉或是扒,沙律都有。
先來一個餐湯和餐包!
熱乎乎的羅宋湯,用料十足之餘,湯和材料的比例岩岩好,所以味道也很濃味,配上溫熱的軟淋淋餐包,容易入口,令我更期待主菜的味道。
來了一個前菜,就是焗蠔啦!!
我朋友話呢度的特色焗蠔( $178 ) 好好食!!我半信半疑.原來一碟有4隻,分別有芝士菠菜焗蠔和煙肉菠菜焗蠔,一次過試晒二個唔同味道!
開初諗住食左個煙肉菠菜焗蠔,但侍應很細心先行食左個芝士菠菜焗蠔會好D,原來芝士菠菜焗蠔味道淡D,而濃味的煙肉菠菜焗蠔可以後嚐!
很貼心的提醒...!
岩岩摸上手的蠔,真的很熱,有點滾手,發現在蠔的下面有很多菠菜,菠菜滲入了芝士和蠔的鮮味,令到菠菜更為香口。
而蠔的本身也沒有焗得熟過頭,令到保持鮮味彈滑之餘,也有芝士的香味,真的超好食!
芝士菠菜焗蠔就會濃味芝士,香滑一點。
至於煙肉菠菜焗蠔就會惹味一點。
來左一碟的車厘茄雙重芝士薄餅($118)
哈哈...芝士怪的朋友,當然少不了食pizza,上面的車厘茄佈滿整塊薄薄的pizza,夠脆口得來,芝士又夠濃。
加點車厘茄,既有新鮮味道,也有微微的酸的口感,和pizza也很夾呢!
平時食牛扒就多,所以今次決定試下食羊!!
呢個紐西蘭羊仔T骨架 ($198)
我今次點了5成熟,5成的效果真係岩岩好,我覺得如果7成的話,可能會過火左d!
朋友怕蘇味,所以點呢個菜之前都有問侍應,幸好侍應都話呢個T字骨,唔會好似羊架咁蘇。
所以我地都拍板點左呢個菜!
食下去,真的沒有平時食的羊那麼蘇味重,所以我和朋友都肯大啖大啖咁品嚐。
切下去時,都看到肉質岩岩好,唔會有血淋淋的情況!
食下去肉質鮮嫩,口感彈牙,不會覺得油。
喜歡它那種濃郁鮮嫩的肉味,好彩有聽侍應介紹,冇點錯呢個菜。
整整一晚,真的超滿足,二個女仔食完,真的捧住肚子走!
如果開分店的話,能否可以在九龍區開呢？嘻嘻...
Vision 8
荃灣兆和街34號榮安樓地舖
Tel: 2612 1013
星期一至日: 11:00-23:00
。♥｡ﾟBlogspot。♥｡ﾟSina。♥｡ﾟUbeauty。♥｡ﾟshe。♥｡ﾟ
。♥｡ﾟZtyle。♥｡ﾟWeshare。♥｡ﾟ。♥｡ﾟBeautylife
。♥｡ﾟQooza。♥｡ﾟElle。♥｡ﾟQooza。♥｡ﾟ
。♥｡ﾟOpenrice: suet_lok 。♥｡ﾟ
沒有留言:
張貼留言